Бердібек Соқпақбаевты ОҚИМЫЗ!
ҚР Ұлттық академиялық кітапханасында «Бір ел – бір кітап» республикалық акциясының жиыны өтті, келер жылға оқитын кітап таңдалды.
Отырыс аясында «Бір ел – бір кітап — 2023» республикалық акциясы қорытындыланды. «Бір ел – бір кітап — 2024» республикалық акциясы аясында оқуға бірнеше танымал қаламгер ұсынылды. Олардың арасында Б.Майлин, Қ.Жұмаділдаев, Т.Әлімқұлов, Б.Соқпақбаев сынды классик жазушылар бар.
Отырыстың комиссия мүшелері ұсынылған авторлардың ішінен жазушы, балалар әдебиетінің классигі, 2024 жылы100 жылдығы ЮНЕСКО көлемінде аталып өтетін Бердібек Соқпақбаевты оқуды бірауыздан қолдады. Сонымен, «Бір ел – бір кітап» акциясы аясында 2024 жыл бойына ел болып қазақ прозасына ғажайып сипат әкелген көрнекті қазақ жазушысы Б.Соқпақбаевтың шығармаларын оқу ұсынысы қабылданды.
#бірелбіркітап
#бердібексоқпақбаев